Nga bagëtitë tek arsimi dhe fekondimi, ja për çfarë dallohet secili prej 12 qarqeve në Shqipëri

Shqipëria ka 12 qarqe dhe secili prej tyre dallohet nga një veçori e caktuar. Është Instituti i Statistikave që ka përcaktuar këto të veçanta në Vjetarin Statistikor Rajonal 2022, bazuar në specifikat social-ekonomike të tyre të secilit prej qarqeve.

Ja cilat janë ato:

BERATI: Qarku i dytë me nivelin më të lartë të prodhimit për rrushin nga vreshtat (17 mijë ton).

DIBËR: Qarku me indeksin sintetik të fekonditetit me të lartë (2.31).

DURRËS: Qarku me numrin më të lartë të autoveturave për pasagjerë për 1.000 banorë (279).

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

ELBASAN: Qarku i dytë nga sipërfaqja e mbjellë me bimë të arave (11.6%).

FIER: Qarku me numrin më të lartë të bagëtive (bagëti në 1.000 krerë) 58.1.

GJIROKASTËR: Qarku me shkallën më të lartë të pjesëmarrjes në forcat e punës, popullsia 15+ (68.8).

KORCË: Qarku me volumin më të madh të prodhimit të pemëve frutore (89,7 mijë ton).

KUKËS: Qarku me koeficientin më të madh rritjes natyrore: 4 lindje më shumë se vdekje për 1.000 banorë.

LEZHË: Qarku me shkallën më të lartë të papunësisë në rang vendi (22,6%).

SHKODËR: Qarku me normën më të ulet e të pandehurve (33.3).

TIRANË: Qarku me përqindjen më të ulët të mbetjeve të pa menaxhuara (1.5%).

VLORË: Qarku me shkallën më të lartë të të regjistruarve në arsimin e mesëm privat kundrejt të regjistruarve në arsimin e mesëm ( 19.4%).