LIGJET E BIZNESIT
Ashtu siç ndodh gjithmonë përpara proceseve zgjedhore, numri i të punësuarve në administratë është rritur. Gjatë vitit 2022, bashkitë kanë shtuar ndjeshëm numrin e të punësuarve, pavarësisht se një pjesë e shërbimeve kanë kaluar online.
Përpara zgjedhjeve të 14 majit, 61 njësitë e pushtetit vendor shtuan në borderotë e tyre 1 mijë e 859 të punësuar të tjerë.
Rekrutimet e reja e çua në 36 mijë e 663 numrin total të të punësuarve në pushtetin vendor, shifër kjo 5.3 për qind më e lartë se në 2021-shin.
Të dhënat nga Sistemi Informatik Financiar i Qeverisë tregojnë se Shkodra pati numrin më të lartë të të punësuarve gjatë vitit të shkuar me 427 individë të rinj. Lista pasohet nga Tirana, Kamza dhe Bashkia Memaliaj.
Me gjithë reformën administrative të 2014-s, qëllimi i së cilës ishte rritja e eficencës në shërbime dhe ulja e numrit të të punësuarve për të reduktuar kostot, pak nga këto qëllime kanë gjetur zbatim 8 vite më pas.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Numri i të punësuarve në pushtetin vendor, nga më pak se 20 mijë para reformës administrative- territoriale në 2015-ën, është rritur me 86 për qind. Kjo ndodh në një kohë kur ofrimi i shërbimeve është përkeqësuar, siç konstatojnë raporte të ndryshme, si ai i Bankës Botërore publikuar pak javë më parë.
