Çfarë po ndodh me euron? Zbret sot për herë të parë nën 110 lekë

Nuk ka të ndalur rënia e euros. Monedha europiane po dobësohet çdo ditë, duke e bërë të paqartë të ardhmen e saj. Sipas kursit zyrtar të Bankës së Shqipërisë, euro u shkëmbye këtë të mërkurë me 109.6 lekë, duke prekur kështu edhe minimumin e ri historik.

Zhvlerësimi i euros ka nisur tashmë prej disa muajsh dhe u bë i ndjeshëm veçanërisht para zgjedhjeve. Rënia e mëtejshme e saj ishte e pritshme, në kushtet e afrimit të sezonit veror dhe fluksit të valutës që do të sjellin turistët e huaj dhe emigrantët që do të kthehen në atdhe për pushime. Kjo do të thotë se euro parashikohet të zbresë edhe përtej nivelit të shënuar sot.