Nokia do të dërgojë rrjetin 4G në Hënë

Nokia po përgatitet të lancojë një rrjet celular 4G në Hënë këtë vit, me shpresën për të përmirësuar zbulimet hënore dhe duke i hapur kështu rrugën për praninë njerëzore në planetin satelitor.

“Grupi finlandez i telekomunikacionit planifikon të lancojë rrjetin në një raketë SpaceX gjatë muajve të ardhshëm”, tha Luis Maestro Ruiz de Temino, inxhinieri kryesor i Nokia-s në një konferencë në fillim të këtij muaji, në ekspozitën tregtare të Kongresit Botëror të Mobile në Barcelonë.

Rrjeti do të mundësohet nga një stacion bazë i pajisur me antenë, i ruajtur në një zbarkues hënor Nova-C, i projektuar nga firma hapësinore amerikane Intuitive Machines, si dhe nga një rover shoqërues me energji diellore.

Një lidhje LTE do të vendoset midis zbarkuesit dhe roverit.

Infrastruktura do të bëhet në kraterin Shackleton, i cili shtrihet përgjatë ‘gjymtyrëve’ jugor të Hënës.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Nokia thotë se teknologjia është krijuar për t’i bërë ballë kushteve ekstreme të hapësirës.

Rrjeti do të përdoret në kuadër të misionit Artemis 1 të NASA-s, që pritet të zbarkojë astronautët e parë që të ecin në sipërfaqen e Hënës që nga viti 1972.

“Qëllimi është të tregohet se rrjetet tokësore mund të plotësojnë nevojat e komunikimit për misionet e ardhshme hapësinore”, tha Nokia, duke shtuar se rrjeti i saj do të lejojë astronautët të komunikojnë me njëri-tjetrin dhe për misione në Hënë./ cnbc