FBI paralajmëron: Kujdes me përdorimin e stacioneve publike të karikimit të telefonave

FBI paralajmëroi së fundmi konsumatorët kundër përdorimit të stacioneve të karikimit publik falas. Kjo pasi që, sipas mediave të huaja, mashtruesit kanë arritur të rrëmbejnë karikuesit publikë që mund të infektojnë pajisjet me malware ose softuer që mund t’u japin hakerëve qasjen në telefonin, tabletin ose kompjuterin tuaj.

“Shmangni përdorimin e stacioneve të karikimit falas në aeroporte, hotele apo qendra tregtare”, thuhet në një postim në Twitter nga zyra në terren e FBI-së në Denver.

“Mbani karikuesin tuaj dhe kordonin USB dhe përdorni një prizë elektrike në vend të tyre”.
Zyra e FBI-së në Denver tha se mesazhi kishte për qëllim një këshillim dhe se nuk kishte asnjë rast specifik që e shtynte atë.