LIGJET E BIZNESIT
Fatos Cerenishti, sipërmarrës në turizëm, në një lidhje direkte me studion e “A2 Business” me Aurora Sulçen, në A2 CNN, shpjegoi arsyet pse ky sektor i shërbimit nuk mund t’i ketë të gjithë punonjësit shqiptarë.
“Punëtorët janë pika më delikate sa i përket biznesit të hotelerisë. Unë do të kisha dëshirë që punonjësit e mi të ishin të gjithë shqiptarë, por kjo është e pamundur sepse ky sektor kërkon punonjës të kualifikuar mirë. Kam hedhur sytë, përveç tregut turk, edhe atë filipinas dhe indian. Në të gjithë sektorët ne cedojmë, pasi është biznes sezonal. I përgatit, i trajnon dhe pas verës, në shtator i thua ik punëtorit. Kur nuk i ofron punësim gjatë gjithë vitit, punëtori ka të drejtë që të largohet”, shpjegon Cerenishti.
Në lidhje me koston e importimit të fuqisë punëtore, sipërmarrësi tha: “Shqipëria ende nuk është destinacion turistik, por është e pëlqyer për çmimet konkurruese që ka. Nëse rrisim çmimet, mund t’i humbim turistët. Por, jemi ende vetëm 7-8 vite me turizëm të organizuar. Ka kosto importimi, por nuk mund të rrisim çmimet pa arritur rritjen e standardeve”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
