Shqiptarët po dyden të pajisjen me targa të personalizuara. Ky shërbim u ofruar nga 1 marsi nga Drejtoria e Përgjithshme e Shërbimeve të Transportit Rrugor, pas kërkesave të vazhdueshme të gjithë të apasionuarit pas makinave.
Në vetëm 5 ditë nga dalja live e konfiguratorit online janë realizuar 92,153 kombinime ndërkohë janë rezervuar 182 targa që në ditën e parë të nisjes së shërbimit, 1 mars.
“Artisti i mirënjohur Noizy, çeli siparin e kësaj risie duke u pajisur i pari me targën N00IZY. Çdokush mund ta aksesojë shërbimin online në ëëë.targaluksi.dpshtrr.al duke provuar kombinimet e dëshiruara me 5 deri në 7 karaktere”, thuhet në njoftimin e DPSHTRR.
Të ardhurat nga ky shërbim do të shkojnë për përballimin e shërbimeve jetike për qytetarët/subjektet që DPSHTRR prej vitesh ndihmon t’u ulen kostot dhe për modernizimin e sistemeve dhe infrastrukturës së shërbimeve të transportit rrugor, për projektet edukuese mbi trafikun dhe sigurinë rrugore, për aktivitetet Retro dhe eventet ndërgjegjësuese, për nisma përgjegjësie sociale e solidariteti, për financimin e reformave sektoriale, për programet e investimeve publike nga Automotorizimi Shqiptar dhe rritjen e kapaciteteve të entit.
