Sa janë të punësuarit që paguhen aktualisht me pagë minimale?

Nga 1 prilli paga minimale do të rritet nga 34 mijë lekë që është aktualisht në 40 mijë lekë, Kjo rritje prej 6 mijë lekësh është më e madhja e zbatuar ndonjëherë, që prej vitit 1996 kur nisën edhe ndërhyrjet në pagën minimale.

Por sa janë të punësuarit që paguhen aktualisht me pagë minimale dhe që preken nga ky vendim? Për këtë le të shohim strukturën e punësimit në Shqipëri sipas pagave. Nga të dhënat e Institutit të Statistikave rezulton se 15.8% e totalit të të punësuarve janë aktualisht me pagë minimale 34 mijë lekë; ndërsa me pagë deri në 40 mijë lekë paguhen 26.7% e të të punësuarve. Në total, janë 42.5% e të gjithë të punësuarve me paga në këto nivele të ulëta.