Bordi për karburantet, Ministrja e Financave: Do të presim vendimin e Gjykatës Kushtetuese

Qeveria do të presë vendimin e Gjykatës Kushtetuese për të vendosur mbi të ardhmen e Bordit të Transparencës për Karburantet. Deklarata është bërë nga ministrja e Financave, Delina Ibrahimaj, e pyetur nga media në përfundim të mbledhjes së Këshillit të Ministrave.

“Është duke u diskutuar në Gjykatën Kushtetuese. Në bazë të vendimit të Gjykatës Kushtetuese do të vijojmë të veprojmë. Megjithatë i qëndroj asaj që kam përsëritur: Ndërhyrja e qeverisë ishte e detyruar nga kushtet që ne ndodheshim. Shifrat tregojnë se ndërhyrja jonë ka qenë efektive në reduktimin e marzhit të fitimit të kompanive”, ka thënë ministrja.

Dy javë pas rrëzimit të Bordit të Ushqimeve, Gjykata Kushtetuese mori në shqyrtim edhe kërkesën të tjetër të 29 deputetëve të Partisë Demokratike për të shfuqizuar Bordin e Karburanteve. Përfaqësuesi ligjor në seancë i grupimit të deputetëve të opozitës, Marash Logu, argumentoi para trupës gjykuese se kushtet, argumentet dhe baza ligjore me të cilën u miratuan aktet normative me fuqinë e ligjit marsin e vitit të shkuar për ngritjen e Bordit, përveç se janë antikushtetuese, cenojnë konkurrencën në treg.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern