LIGJET E BIZNESIT
I ftuar në A2 Business, ku u diskutua për investimet e huaja në kohë krizë, eksperti i ekonomisë, njërerazi CEO i American Capital Maksim Caslli, u shpreh se kjo situatë nuk e favorizon aspak vendin tonë, ndërsa theksoi se investimet mund të vijnë vetëm nga ata që kanë lidhje sentimentale me vendin tonë.
“Të gjitha kompanitë në botë, po analizojnë se si do të jetë situata pas krizës dhe në këtë moment nuk po shohin të investojnë në tregje të vogla si Shqipëria.
Nëse flasim për iniciativën e Ballkanit të Hapur, kjo nuk na favorizon, pasi zakonisht investohet në shtetin më të madh. Nëse shikojmë tregun tonë më të vogël rajonal, ai është sa Greqia apo vende të tjera dhe nuk është rajoni më atraktiv për të investuar. Për të investuar në Shqipëri, veç rajonit, duhet të kesh lidhje të tjera në këtë vend, këtu futen në lojë më shumë lidhjet sentimentale me shqiptarët. Ne nuk jemi në situatën e para 30 viteve kur kishim nevojë për kapital, pasi kapitalin e kemi, na duhen investime të huaja për eksperiencën që ato sjellin”, u shpreh Caslli.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
