Frenohet kredia për individët, hera e parë në një vit e gjysmë

Qytetarët kanë frenuar kërkesën për kredi, çka sinjalizon një zhvillim aspak të mirë për ekonominë. Sipas të dhënave të Bankës së Shqipërisë, gjatë muajit korrik sektori bankar disbursoi rreth 6.7 miliardë lekë kredi të reja, në rënie me 5.3% krahasuar me korrikun e vitit të kaluar. Kjo ëhstë rënia e parë e këtij treguesi në rreth një vit e gjysmë.

Ndërsa si periudhë 7-mujore, huaja për individët ishte në rritje me 14.7%. normë kjo më e lartë se rritja mesatare prej 12% e kredisë së re për ekonominë.

Vetëm me të dhënat e muajit korrik është ende herët të thuhet, nëse bëhet fjalë për një dukuri që reflekton pasiguritë e qytetarëve për të investuar dhe shpenzuar, ndikuar nga pasiguritë e shtuara dhe kriza e çmimeve. Kjo pasi rënia e lehtë e kredisë për individë në muajin korrik mund të jenë një tregues se ndoshta sektori bankar po fillon të shfaqë një qasje më të kujdesshme në kreditimin për këtë segment.