Abuzimet me fondet, KLSH zbulon 263 milionë euro dëm nga institucionet

Institucionet shtetërore i ka shkaktuar një dëm ekonomik prej 263 milionë euro buxhetit të shtetit. Kjo është shifra e konstatuar nga Kontrolli i Lartë i Shtetit për auditimet e zhvilluara në pjesën e parë të këtij viti për aktivitetin në vitet paraardhëse të disa prej institucioneve të planifikuara. Në raportin e periudhës janar – qershor 2022, auditimet e kryera kanë përfshirë vlerësimin e aktivitetit në 64 subjekte duke përfshirë të gjitha nivelet e qeverisjes: institucione qendrore, ministri dhe agjenci (përfshirë drejtori qendrore dhe rajonale në varësi të tyre), njësi të vetëqeverisjes vendore (qarqe, bashki), drejtori të përgjithshme të administrimit fiskal, fonde speciale, si dhe shoqëri aksionare me kapital shtetëror në të cilën shteti ka mbi 50% të aksioneve, apo projekte me financim të huaj.

“KLSH, në përfundim të auditimeve të kryera përgjatë periudhës janar – qershor 2022 ka zbuluar parregullsi dhe shkelje financiare me pasojë dëm ekonomik në të ardhura dhe shpenzime në shumën totale prej 724.336 mijë lekë, nga e cila ka rekomanduar për shpërblim dëmi shumën 724,336 mijë lekë” theksohet në raport.

KLSH evidenton se dëmi më i madh në kahun e të ardhurave ëhstë në qiradhënien e pasurisë shtetërore dhe më pas takat kurse në hakun e shpenzimeve janë ato për investime dhe më pas, vijnë ato për sigurime e shpërblime.