Ish-drejtori i Policisë së Shtetit Gledis Nano pas shkarkimit nga detyra është larguar nga zyra e tij.
Ai shfaqet duke hipur në makinë, teksa përshëndet me dorë edhe gazetarët.
Gledis Nano u shkarkua të mërkurën. Lajm u bë i ditur nga ministri i Brendshëm Bledi Çuçi pas mbledhjes së sotme të qeverisë, i cili nënvizoi se shkarkimi lidhet me mos-përmbushjen e objektivave të Nanos.
“Shkarkimi lidhet me mos-përmbushjen e objektivave që i ishin caktuar Drejtorit të Përgjithshëm dhe kryesisht me situatën e ditëve të fundit”, u shpreh ministri Çuçi.
Për momentin detyrat e Drejtorit të Përgjithshëm të Policisë, do i ushtrojë nën-Drejtori i Përgjithshëm, Tonin Vocaj.
