Një balenë e gjatë mbi 12 metra është shfaqur në Qipro.
Sipas mediave vendase, ajo po notonte dhe u kap në kamera nga kapiteni i varkave “Seaze dhe Day”, Panagiotis Nikolaidis.
“Ishte hera e parë që pashë këtë lloj balene në një mjedis natyror”, u shpreh ai.
Nikolaidis deklaroi gjithashtu se shqetësimi i tij i parë ishte të shihte nëse balena ishte mirë dhe nëse nuk kishte hyrë në ndonjë rrjetë. Kur kuptoi se gjithçka ishte në rregull, ai bëri disa video.
Ai gjithashtu shtoi se balena ishte rreth 12-13 metra, por nuk identifikoi nëse ishte mashkull apo femër. “Zakonisht meshkujt e rritur të specieve largohen vetë dhe meqenëse ishte i vetmuar, ndoshta ishte një mashkull”, u shpreh kapiteni.
Hera e fundit që u gjet në Qipro dhe u regjistrua nga departamenti i peshkimit ishte në 2016-17 jashtë Qipros, 80 kilometra nga Zygi.
