Deputet i Partisë Demokratike, Luçiano Boçi ka vijuar akuzat ndaj qeverisë në lidhje me inceneratorët, ku thotë se po vijojn pagesat edhe pse nuk punojnë.
“Për t’iu referuar paraleles së hequr nga kryebashkiaku “Të bësh remontin e djegësit është si të çosh makinë në servis”, kush e çon makinën në servis shumëmujor qysh vitin e parë që e merr? Si u bë për remont pa filluar ende nga puna?
Me paratë e kujt po bëhet remonti? Pse nuk parashikohet remonti ne kontratë dhe pse është marrë një pajisje që ka nevojë direkt për remont? Kush do paguajë paratë tani që çmimi i naftës u dyfishua? Ne mendojmë se inceneratorët janë mega-aferë ku Edi Rama ndan paratë me Agaçin, Ahmetaj, Veliajn, Zoton, Mërtirin dhe Gugallen, ndaj nuk ndalohen pagesat dhe ndaj drejtësia nuk sekuestron produktet e krimit”, u shpreh Boçi.
