Bien shifrat e të infektuarve nga pandemia në Shqipëri.
Ministria e Shëndetësisë bën me dije se janë konfirmuar 657 raste të reja nga 1318 testime të kryera në total.
Aktualisht në të gjithë vendin janë 7,549 qytetarë aktivë me Covid19. Fatkeqësisht, në 24 orët e fundit kanë humbur jetën 3 qytetarë si pasojë e koronavirusit.
Në spitalin COVID3 po marrin trajtim 28 pacientë. Janë shëruar 657 qytetarë gjatë 24 orëve të fundit, duke e çuar numrin e të shëruarve në 306,402 që nga fillimi i epidemisë.
APELI I MINISTRISË SË SHËNDETËSISË PËR QYTETARËT
Nisur nga rritja e numrit të qytetarëve të prekur nga Covid19, Ministria e Shëndetësisë i bën sërish thirrje qytetarëve të mos neglizhojnë vaksinimin anticovid, posaçërisht në këtë periudhë të rritjes së kontakteve, për shkak të lëvizjeve përgjatë sezonit veror.
Çdo person mbi 12 vjeç, mund të vaksinohet në qendrat shëndetësore në të gjithë vendin. Gjithashtu MSHMS apelon të gjithë qytetarët e vaksinuar, që të drejtohen në qendrat shëndetësore, për t’u vaksinuar me dozën përforcuese.
Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
Nëse keni shenja të sëmundjes apo keni patur kontakt me një person të prekur nga Covid19, izolohuni menjëherë dhe kontaktoni mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127.
Ju informojmë për situatën në 24 orët e fundit, si vijon:
Janë kryer 1318 testime, nga të cilat kanë rezultuar pozitivë me COVID19, 538 qytetarë, në këto bashki:
184 në Tiranë, nga 52 qytetarë në Durrës, Fier, 25 në Vlorë, 24 në Sarandë, 23 në Lushnje, 18 në Divjakë, 17 në Kavajë, 16 në Berat, 15 në Shkodër, 14 në Kamëz, 11 në Himarë, nga 9 qytetarë në Vorë, Pogradec, 8 në Shijak, 7 në Mallakastër, 6 në Gramsh, nga 5 qytetarë në Dimal, Elbasan, Peqin, nga 4 qytetarë në Malësi e Madhe, Krujë, Patos, Përmet, nga 2 qytetarë në Kukës, Kurbin, Delvinë, Finiq, Gjirokastër, nga 1 qytetar në Vau i Dejës, Mirditë, Dibër, Selenicë, Tepelenë, Kolonjë, Poliçan.
Janë 7,549 qytetarë aktivë me Covid19 në të gjithë vendin. Aktualisht në spitalin COVID3 po marrin trajtim 28 pacientë. Në 24 orët e fundit ka tre humbje jete me Sars-Cov2: dy qytetarë nga Tirana të moshave 61-65 vjeç, një qytetare nga Lezha 83 vjeçe.
Ministria e Shëndetësisë dhe Mbrojtje Sociale u shpreh ngushëllimet familjarëve.
Janë shëruar 657 qytetarë gjatë 24 orëve të fundit, duke e çuar numrin e të shëruarve në 306,402 që nga fillimi i epidemisë.
Statistika (7 Gusht 2022)
Raste të reja ditore 538
Të shëruar në 24 orë 657
Të shtruar në spitale 28
Humbje jete në 24 orë 3
Testime ditore 1318
Testime totale 1,930,953
Raste pozitive 317,514
Raste të shëruara 306,402
Raste Aktive 7,549
Humbje jete 3,563
Shpërndarja gjeografike e rasteve aktive sipas qarqeve:
Tiranë 3,662
Fier 806
Durrës 665
Vlorë 543
Elbasan 398
Korçë 310
Gjirokastër 307
Berat 229
Shkodër 219
Lezhë 213
Dibër 147
Kukës 50
