LIGJET E BIZNESIT
Ministria e Mbrojtjes thotë se ka ndaluar katër shtetas çekë, këtë herë në fabrikën e armëve të Poliçanit në Berat.
Ngjarja ka ndodhur mëngjesin e sotëm, rreth orës 08:40, kur Policia Ushtarake dhe ajo e Shtetit kanë vënë re lëvizje të dyshimta. Pas kontrollit në zonë është konstatuar se dy shtetas nga Çekia kishin hyrë në një prej tuneleve të fabrikës.
Rreth orës 12:30, policia ka konstatuar edhe dy bashkëshortet e çekëve, të cilat ndodheshin rreth 1.5 kilometra larg tuneleve dhe rrethimit të repartit.
Kujtojmë se ngjarja vjen vetëm një ditë pas incidentit në uzinën ushtarake të Gramshit, ku u ndaluan dy shtetas rusë dhe një ukrainas që tentuan të hynin brenda zonës së ndaluar.
Çekët janë duke u marrë në pyetje nga një grup i posaçëm i ngritur për këtë çështje.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Njoftimi i Ministrisë së Mbrojtjes:
Rreth orës 08:40 të mëngjesit të sotëm, tek një nga tunelet në Uzinën e Poliçanit, janë konstatuar lëvizje të personave të paidentifikuar.
Menjëherë Policia Ushtarake në bashkëpunim me Policinë e Shtetit kanë izoluar hyrjet e tuneleve të cilët janë pothuaj se të gjithë komunikues me njëri tjetrin dhe pas kërkimeve kanë ndaluar dy persona me kombësi çeke.
Rreth orës 12:30 në distancë 1.5 km larg tuneleve jashtë perimetrit të rrethimit të repartit u konstatuan dhe shoqëruan edhe dy shtetase te kombësisë çeke, bashkëjetuese të dy shtetasve të mësipërm.
Personat e mësipërm janë ndaluar dhe aktualisht vazhdojnë procedurat nga autoritetet e sigurisë në vend.
