“Ne meritojmë siguri”/ Protesta mbyllet me bashkëmoshatarët e Jonadës, para kryeministrisë

U mbyll pak më parë protesta e dytë për Jonadën para kryeministrisë.

Mes protestuesve të shumtë që kërkojnë drejtësi për vrasjen e 7-vjeçares Jonada Avdia në plazhin e Himarës nga një gomone, ishin edhe bashkëmoshatarët e saj.

Protesta nisi me marshim nga Ministria e Drejtësisë në drejtim të kryeministrisë, e cila kërkon largimin e e ministrit të Brendshëm Bledi Çuçi, Drejtorit të Përgjithshëm të Policisë së Shtetit, Gledis Nano dhe ministres së Turizmit, Mirela Kumbaro.

Disa prej protestuesve kanë hedhur bojë të kuqe në muret e Ministrisë në Brendshme, në shenjë të gjakut të derdhur të Joanës së vogël pas goditjes së gomones në Potam.

Kjo protestë vjen pas tragjedisë së ndodhur në plazhin e Potamit në Himarë, ku vogëlushja 7-vjeçare, Jonada Avdia, u aksidentua dhe humbi jetën nga një skaf që drejtohej nga komisari Arjan Tase.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Jonada kishte ardhur me pushime me prindërit e saj, të cilët prej më shumë se dy dekadash jetojnë në Angli.