Miliarderi indian Rakesh Jhunjhunwala ka ndërruar jetë në moshën 62 vjeçari. Jhunjhunwala, i cili bëri një pasuri nga tregu i aksioneve, vdiq të dielën në një spital në qytetin e Mumbait.
Shkaku i vdekjes ende nuk është konfirmuar zyrtarisht, por mediat kanë mësuar se bëhet fjalë për një mosfunksionim të veshkave.
I quajtur shpesh Warren Buffett i Indisë, Jhunjhunwala, sipas revistës Forbes, kishte një pasuri neto prej rreth 5.8 miliardë dollarësh.
Ai ishte pjesë e një brezi investitorësh që përfituan nga reformat historike të vitit 1991, të cilat hapën ekonominë e Indisë.
