Me këto 5 mënyra, i nxehti përvëlues i këtyre ditëve përballohet edhe në shtëpi

Temperaturat e nxehta e kanë goditur edhe vendin tonë prej ditësh dhe nëse ju duhet t’i kaloni në qytet, pa pasur mundësinë të shkoni në plazh, duhet të keni parasysh disa këshilla si t’i përballoni me sukses.

Ç’duhet të bëni për të përballuar të nxehtin e këtyre ditëve?

Qëndroni të freskët

Mund të tingëllojë e qartë, por nëse trupi juaj arrin nxehtësinë 40°C, kjo gjë kërkon ndihmë urgjente mjekësore, pasi mund të çojë në humbje të vetëdijes, mosfunksionim të organeve, madje edhe në pasoja fatale.

Qëndroni vazhdimisht të hidratuar duke konsumuar ujë (dhe shmangni diuretikët si kafeina). Mos prisni të keni etje për të pirë ujë, pasi edhe nëse s’keni etje mund të jeni dehidratuar. Gjithashtu mundohuni të konsumoni ushqime me përmbajtje të lartë uji.

Nëse mundeni, qëndroni në ambiente të mbyllura. Kufizoni lëvizjen në orët e nxehta dhe bëni kujdes me ushtrimet fizike.

Mundohuni të mos e ekspozoni shumë lëkurën në temperatura të larta. Zgjidhni veshje lino dhe pambuk, që e lejojnë lëkurën të marrë frymë. Mbani gjithmonë një kapelë, syze dielli dhe mos harroni kremin mbrojtës.

Zgjidhni metodat e ftohjes që ju përshtaten

Nëse nuk keni (ose nuk e preferoni) kondicionerin, atëherë provoni freskueset ose bëni një dush në orët e nxehta. Nëse jeni jashtë sigurohuni të keni në çantë spraj për fytyrën, si dhe mbani me vete gjithmonë një termus me ujë të ftohtë.