Me 3700 kg eksploziv hidhen në erë kullat 100 metra të larta, vetëm 12 sekonda

Autoritetet indiane kryen evakuuimin e mijëra njerëzve nga shtëpitë e tyre përpara se të prishnin dy kulla 40-katëshe në një zonë banimi në periferi të Nju Delhit.

Kullat binjake 103 metra të larta u shpërthyen dje në një operacion 12 sekondësh, duke u bërë kështu blloqet e betonit më të mëdha të shkatërruara ndonjëherë në vend, sipas autoriteteve lokale.

Gjykata e Lartë e Indisë vendosi vitin e kaluar se ndërtuesit e dy kullave kishin shkelur një sërë rregullash kritike të ndërtimit.

Më shumë se 3,700 kilogramë eksploziv u përdor për të prishur ndërtesat, të njohura si Apex dhe Ceyane, të cilat ndodhen në buzë të një autostrade të populluar që lidh Uttar Pradesh me kryeqytetin.

Kullat u mbuluan me fletë plastike të bardha teksa policia u mblodh rreth zonës dhe mbylli rrugët arteriale në përgatitje për operacionin, sipas imazheve të televizioneve lokale.

Për të parë videon, klikoni këtu.