Këngëtarja Rezarta Shkurta ka ndarë me ndjekësit në rrjetet sociale një video ku pretendon se po tregon një sekret që e ka mbajtur prej vitesh.
Bëhet fjalë për emrin e saj të vërtetë.
“Kam gjithë jetën që mbaj një sekret dhe më në fund e ndjej se ka ardhur momenti ta ndaj me ju. Unë nuk quhem Rezarta, emri im i vërtetë është Natasha from Russia”.
Por shumë shpejt, këngëtarja ka sqaruar ndjekësit që e kanë besuar vërtetë këtë video të Rezartës me efekte filmi.
“Pjesa më qesharake është që shumica e kanë besuar. Qetësohuni njerëz, nuk quhem vërtetë Natasha! Ishte një shaka frymëzuar nga lajmet e sotme për spiunët Rusë në Shqipëri”, ka shkruar Rezarta Shkurta.
