“Ja kur nis freskimi i kohës” Sinoptikania parashikon si do të jetë moti gjatë gushtit

Shqipëria në ditët e fundit gjeti pak “paqe” nga vala e të nxehtit.

Por meteorologia Tanja Porja nuk jep lajme dhe aq të mira.

Ajo deklaron se tre ditët në vijim, e premte, e shtunë dhe e diel, do të përballen me temperatura më të larta sesa java që lamë pas.

“Mbi 38 gradë Celsius, temperaturat do të jenë në qytete si Berati, Elbasani dhe Gjirokastër, ndërsa pjesa tjetër e territorit do të jetë më e freskët.

Era do të bëhet problematike, do të fryjë 40-45 km/h, kryesisht në hapësira detare dhe brigje. Por duke qenë se vendi ynë ka disa vatra aktive, mund të ndihmojë në përhapjen e flakëve dhe të vështirësojë punën e zjarrfikësve.”, parashikoi ajo.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Sipas Porja-s, pritet që gushti të jetë i nxehtë. Megjithatë, java tjetër do të ketë sërish freskim moti dhe ulje temperaturash.