“Hiqni kapelet” Protestuesit përplasen me Policinë e Shtetit: Drejtësi për Jonadën

Tensionohet situata në protestën që po mbahet aktualisht përballë Ministrisë së Brendshme në Tiranë në lidhje me  vdekjen e 7-vjeçares Jonida Avdia, e cila u përplas për vdekje në plazhin e Potamit nga motori i ujit që drejtonte efektivi i policisë Arjan Tase.

Të pranishmiit janë përplasur me Policinë e Shtetit, ku i kërkojnë efektivëve të heqin kapelet dhe të mos mbrojnë një qeveri kriminale dhe të korruptuar.

“T’ju vi zor që mbroni këta kriminelë që vjedhin. Policia e krimit. Hiqni kapelet”, dëgjohen të thonë protestuesit.

Gjithashtu protestuesit kërkojnë drejtësi për 7-vjeçaren, e cila u shtyp për vdekje teksa po notonte në plazhin e Potamit në Himarë, nga një skaf që drejtohej nga komisari i policisë Arjan Tase.

“Drejtësi për Jonadën”- dëgjohen të thonë në kor protestuesit.