Ekzekutimi që tronditi Elbasanin/ Viktima ishte kthyer për pushime në atdhe, në 1997 i v ranë edhe vëllain

Një ngjarje e rëndë tronditi Elbasanin mbrëmjen e djeshme.

Mësohet se një 33 vjeçar i identifikuar si Madrit Ulqinaku ka mbetur i vdekur, pasi ndaj tij është shtënë me armë.

Skena  makabre  ka ndodhur në bulevardin kryesor të qytetit, në afërsi të stadiumit “Elbasan Arena”, kur i riu sapo ishte larguar nga lokali dhe i ishte drejtuar makinës së tij kur dhe është qëlluar disa herë nga 20 vjeçari Klajdi Shaholli.

Sipas informacioneve, ai ka mbetur i vdekur në vend, ndërsa policia në  deklaratën e bërë publike për median sqaron se bëhet fjalë për një konflikt për motive të dobëta ndërsa Ulqinaku është qëlluar nga i riu Klajdi Shaholli vetëm 20 vjeç. Blutë kanë rrethuar zonën  dhe vijon krehja e saj për të bërë të mundur kapjen e autorit. Këtë ngjarje e bën të rëndë fakti se është qëlluar me armë në një kohë kur në zonë ka pasur lëvizje të shtuar të qytetarëve në xhiron e mbrëmjes.

Grupi hetimor, nën drejtimin e Prokurorisë, vijon punën për zbardhjen  dhe dokumentimin e plotë të rrethanave të ngjarjes, ndërsa trupi i viktimës ka qëndruar i shtrirë në tokë pranë mjetit të tij deri në ekspertizën e plotë .

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Burimet thonë se viktima nuk ishte një emër problematik. Ai jetonte mes Italisë ku punonte dhe qytetit të Elbasanit ku kishte familjen. Madrid Ulqinaku ishte babai i nje vajze 8 vjeçe e cila ishte e diagnostikuar me autizëm. Ndërsa mësohet gjithashtu se në vitin 1997, Ulqinakut i vranë edhe vëllain.