“E përjetoi shumë keq” Flet shoku i aktorit shqiptar që i dha fund jetës: Pa të atin në kamera duke ndërruar jetë

Aktori shqiptar Florind Belliu i dha fund jetës duke hedhur fillimisht bashkëshorten shtatzënë dhe më pas veten nga ballkoni i banesës ku qendronin në New York të Shteteve të Bashkuara të Amerikës.

Ndërkohë Andi Llubati, aktor, koleg dhe mik i Belliut, thotë se 35-vjeçari ka pasur një periudhë tepër të vështirë pas ndarjes nga jeta të të atit.

Në një intervistë për “Euronews Albania”, Llubati u shpreh se Belliu e ka përjetuar shumë keq dhe faktin që ai nuk mundi të vinte në varrimin e tij.

“Flori ka pasur një periudhë të vështirë. Çdo gjë lidhet me humbjen e të atit të Florit para një viti e gjysmë, ajo i vuri kapakun. Flori ka qenë me bashkëshorten dhe me fëmijët në Nju Jork dhe prindërit i ka pasur në Tiranë. Ai ka pasur një situatë shumë të rëndë duke e lidhur këtë me të atin e tij.

Në momentin që Flori ka qenë duke folur me të atin e tij në kamera, i ati ndërron jetë. Të gjithë situatën e ka parë live. Kjo ka qenë skena që Flori shikon live nga kamera dhe më e keqja ishte që Flori nuk mund të vinte në varrim, për shkak se nuk kishte dokumentet”, theksoi Llabati.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Sipas tij, familjarët i kishin thënë se vdekja e të atit kishte lënë gjurmë te ai dhe theksoi se gjatë këtij viti  kishte probleme të rënda të shëndetit mendor dhe filloi mjekimin në Nju Jork.

Dyshohet se Florindi fillimisht ka shtyrë nga ballkoni bashkëshorten Ornela dhe më pas është hedhur edhe vetë nga kati i 6-të i pallatit.

Çifti kishte dy fëmijë, 6 dhe 2 vjeç dhe ishin vendosur në lagjen “The Bronx” të Nju Jorkut vetëm 3 muaj më parë.

Policia po heton të gjitha pistat e mundshme, ku nuk përjashtohet ajo e vrasjes së dyfishtë.