E frikshme/ Avioni bie në mes të makinave në autostradë dhe shpërthen në flakë (VIDEO)

Një avion i vogël ka bërë ulje emergjente në një autostradë në Kaliforni, SHBA.

Pamjet tronditëse tregojnë momentin kur avioni “bie” mes automjeteve në autostradë, ku në atë moment kishte shumë trafik.

Menjëherë pas uljes ndodh një shpërthim dhe avioni përfshihet nga flakët.

Sipas autoriteteve, piloti dhe pasagjeri ishin në gjendje të dilnin nga avioni në mënyrë të sigurt. Avioni gjatë uljes së tij u përplas me një kamion që transportonte tre persona, të cilët gjithashtu nuk u lënduan.

Piloti pretendoi se ai bëri një ulje emergjente në autostradë pasi pësoi një dështim të motorit ndërsa po udhëtonte për në aeroportin Corona.