LIGJET E BIZNESIT
Nuk do t’ju bëjmë pyetjet e zakonshme të tipit: “preferoni detin apo malin?”, ndaj përgatituni t’i përgjigjeni atyre me sinqeritet dhe lexoni sugjerimet tona për pushimet…
Zgjidhni një mjet transporti për udhëtimin tuaj:
1. Varkë – Mezi pres të udhëtoj dhe të zbuloj vende të reja!
2. Makinë – Më pëlqejnë shumë udhëtimet me makinë!
3. Tren – Gjithmonë kam dashur t’i hipi një treni ekspres dhe të shijoj udhëtimin.
4. Avion – Dua të mbërrij sa më shpejt, në mënyrë të shëtis sa më shumë të jetë e mundur.
Çfarë do të thotë për ju fjala “pushime”?
1. Liri dhe zero shqetësime.
2. Kohë për të zbuluar dhe për të njohur.
3. Diçka e tipit “Po fillon argëtimi!”
4. Pushim (në mos nga puna, të paktën nga njerëzit, komshinjtë, etj).
Çfarë nuk mungon në listën e gjërave që blini gjatë uljeve të verës?
1. Rroba banjo dhe aksesorë plazhi.
2. Këpucë alpinistësh dhe materiale për në mal.
3. Një guidë turistike dhe ndonjë libër për të lexuar.
4. Rroba për të rinovuar dollapin dhe valixhen.
Një pasion që s’mund ta lini në shtëpi ndërkohë që udhëtoni…?
1. Leximi – Marr me vete të paktën dy libra.
2. Fotografitë – Zgjedh destinacione për foto.
3. Ushqimi – Dua të shijoj kënaqësinë e ushqimeve.
4. Sporti – Tenis, vrap, biçikletë, etj. Asnjëherë nuk ndaloj së bëri aktivitet fizik.
Cila është frika juaj më e madhe kur shkoni me pushime?
1. Asnjëra, sepse gjej gjithmonë diçka për të bërë.
2. Fakti që do të më duhet të kthehem në shtëpi.
3. Moti i keq, pasi nuk do të mund të shijoj pushimet.
4. Frika se mos ndoshta çdo gjë është e mbyllur.
Zgjidhni fjalën që ju frymëzon më shumë:
1. Pushim
2. Aventurë
3. Origjinalitet
4. Kulturë
Njerëzit që ju njohin thonë se ju dalloheni për…
1. Të qenit një njeri i qetë dhe i këndshëm.
2. Dëshirën për aventurë dhe për të parë botën.
3. Cilësinë e madhe të të qenit kureshtarë dhe origjinalë.
4. Shijen tuaj të mirë dhe stilin: jeni gjithmonë shumë i/e bukur
Më shumë përgjigje 1 | Jemi të sigurt se ju pëlqen pa masë të udhëtoni me anije drejt vendeve mistike në ishuj të bukur ku të shijoni diellin dhe plazhet me rërë të bardhë. Këto lloj pushimesh ju shtyjnë të shijoni në maksimum panoramën e plazheve të veçuara, pothuajse të pashkelura më parë. Ekzistojnë kaq shumë bukuri në këto lloj plazhesh tropikale, sa ju sigurojmë se do të kënaqeni pa masë.
Më shumë përgjigje 2 | Ju pëlqejnë udhëtimet me makinë, ndaj një udhëtim në Europë do të ishte një ide shumë e mirë për pushimet e verës. Për ne që jetojmë në Shqipëri, një udhëtim në Rumani do të ishte një mundësi shumë e mirë. Thonë se Rumania është e ardhmja e gjelbër e Europës. 27% e pyjeve të saj është pothuajse e paprekur, dhe dihet se aty ku ka pyje e male, ka dhe aventurë! Do të gjeni qytete kështjellë, male dhe nuk mungon as legjenda e Kontit Drakula! Itinerarin e vendosni vetë, ndaj nëse ju pëlqen ideja, bëni kërkimet e duhura dhe shkoni për turizëm!
Më shumë përgjigje 3 | Dashuri, dramë, aventura, suspansë… Nëse vagonët e të gjithë trenave të botës do të mund të flisnin, do të rrëfenin mijëra histori. Keni dëgjuar ndonjëherë për Royal Scotsman? Është treni i vetëm në Mbretërinë e Bashkuar me një verandë ku mund të shihni natyrën. Një kombinim i stilit tradicional, elegancë dhe rehati, për të zbuluar më mirë Skocinë. Mund të shijoni një udhëtim të tillë, duke parë panoramën me një gotë pije dhe ushqim të mirë. Si ju duket si ide?
Më shumë përgjigje 4 | Nga përgjigjet që keni dhënë duket se jeni tipi që ju pëlqen shumë një udhëtim në Neë Orleans, ku do të gjeni muzikën më të mirë xhaz, shijen e mrekullueshme të ushqimit dhe lumin Mississippi. Neë Orleans kombinon muzikën, arkitekturën e veçantë me një gastronomi të mrekullueshme dhe rituale që vijjnë nga kohët e shkuara. Nuk mund t’ju shpjegojmë se si të shkoni atje, por me ritmin e tij dhe joshjen që të dhurojnë ngjyrat pushime të tilla janë të shkëlqyera. Veç kësaj mund të merrni një makinë me qira dhe të udhëtoni nën këtë atmosferë.
Revista Psikologjia
