Berisha thirrje qytetarëve: Rama është armik! Siç e përzutë nga Vlora, ta bëjmë të ikë nga Shqipëria

Kryeministri Sali Berisha ftoi qytetarët të bëhen bashkë dhe ta largojnë kryeministrin Rama nga pushteti, pasi sipas tij ai është një armik i lirive të shtetasve shqiptarë.

Gjatë një bashkëbisedimi me përfaqësues të turizmit nga Vlora, Berisha deklaroi se protestat do të jenë jetike për realizimin e misionit të largimit të Ramës nga pushteti.

“S’ka diskutim që protestat do të jenë jetike pasi ky është armik. Ai që dhunon votën e qytetarëve të tij është armik i lirive të qytetarëve të tij. Të mos kemi asnjë iluzion.

Ishte dhe Fatos Nano, por ai pranoi, sigurisht bëri përpjekje, por jo ishte në pushtet u largua dha dhe dorëheqjen. Ky nuk njeh dorëheqje, pasi ky ka kryer kaq shumë vjedhje dhe afera sa që është i tmerruar nga vetja e tij dhe ndaj i duken vampirë ky e vampirë ai.

Ndaj dhe ju ftoj siç e përzutë, se ju e përzutë kësaj here, se u detyrua të zgjedhë Durrësin, ta përzëjmë dhe nga Shqipëria. Jo të ikim ne të ikë ai, të shkoj në Beograd atje e ka mikun e tij, të bëjë biznes a të bëjë çfarë të dojë”, tha Berisha.

.