Arrestohet në zonën e “5 Majit” Arsen Muskurti.
Ai vrau pasditen e sotme me armë zjarri vëllain e tij, Dritan Muskurti dhe kunatën Nora Muskurti.
Çifti la pas tre fëmijë të mitur.
Ndërkohë arrratia e autorit zgjati për disa orë, ndërsa forcave të policisë iu bashkua dhe RENEA.
Ngjarja ka ndodhur në biznesin e çiftit një agjenci turistike, rreth orës 16:40, në rrugën “Islam Alla”, afër ‘Myslym Shyrit’, një prej zonave më të frekuentuara në kryeqytet.
Dyshohet se kanë qenë problemet familjare që çuan deri në përdorimin e armës së zjarrit që mori dy jetë pasditen e kësaj të marte.
Konflikti mes 2 vëllezërve duke se ka nisur prej kohësh. Disa statuse në rrjetin social në facebook, ku autori akuzonte të vëllanë dhe nusen e tij se kishin krijuar profile false ku shaheshin hoxhallarë. Autori i cilësonte të vëllanë si “spiun i SHIK-ut”, “i pabesë” dhe “tradhtar”, ndërsa kunatën e quante një mostër, teksa flet edhe për një emër të tretë.
