Të gjithë harrojnë/ Ja çfarë duhet të bëni para se të shkoni për pushime

Kur jeni duke u bërë gati të dilni nga shtëpia dhe të shkoni me pushime, bëni të gjitha veprimet e nevojshme brenda shtëpisë përpara se të largoheni. Megjithatë, ka një gjë që pothuajse askush nuk e bën. Ky është një truk shumë i mirë dhe i domosdoshëm pasi ka të bëjë me ushqimin që keni në ngrirje.

Ky truk do t’ju tregojë nëse është e sigurt që të hani ushqimin që keni lënë në frigorifer kur të ktheheni. Ndonjëherë kur shkoni me pushime, mund të ndodhë që të ketë ndërprerje të energjisë elektrike. Kjo mund të bëjë që ushqimi të shkrihet dhe të prishet.

Për të kuptuar nëse këto ushqime janë aq të ngrira sa i keni lënë, përdorni këtë truk të thjeshtë përpara se të dilni nga shtëpia: mbushni një filxhan me ujë dhe vendoseni në ngrirje. Pasi të jetë ngrirë, vendosni një monedhë sipër. Nëse e gjeni monedhën në fund të filxhanit kur të ktheheni, duhet ta hidhni ushqimin.

Kjo tregon se frigoriferi ka mbetur pa energji për disa orë, duke bërë që ushqimi juaj të shkrihet dhe të ngrijë sërish. Nëse monedha është sipër, do të thotë se nuk ka pasur ndërprerje të energjisë dhe ushqimi juaj është po aq i mirë sa kur e keni vendosur për herë të parë në frigorifer.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern