Politikani ekstremist, Vladimir Gjykanoviç, ka paralajmëruar se Serbia do të detyrohet që të përfshihet në “denazifikimin” e Ballkanit.
“Gjithçka më duket se Serbia do të detyrohet të fillojë denazifikimin e Ballkanit. Do të doja të gaboja”, shkruan ai.
Gjithashtu, Gjykanoviç pa dhënë më tepër detaje se çfarë do të ndodhë ka bërë me dije se informacionet që i kanë ardhur janë të “tmerrshme”.
“Zot, ndihmo popullin tonë në Kosovë dhe Metohi. Informacioni që vjen është i tmerrshëm”, shton ai.
Ndërkohë, kujtojmë se gjatë orëve të pasdites së sotme në Novi Pazar të Serbisë afër kufirit me Kosovën u dëgjuan të shtëna me armë dhe sirenat e luftës.
Tensionet mes dy vendeve janë rritur pasi pritet të hyjë në fuqi marrëveshja e reciprocitetit për targat e makinave nga Serbia.
