LIGJET E BIZNESIT
Katër shqiptarë janë arrestuar në Greqi, pasi akuzohen se kanë kryer 45 vjedhje në periudhën tetor-nëntor të 2021-it si edhe gjatë muajit korrik të 2022-it.
Policia Helene njofton se pas muajsh hetimesh dhe kërkimesh efektivët arritën të çmontojnë bandën e hajdutëve shqiptarë të cilët kanë kryer 45 vjedhje në Janinë, kryesisht në banesa dhe magazina.
Vlera e sendeve të plaçkitura arrin në 30 mijë euro, sipas autoriteteve greke. Gjatë hetimeve të kryera, efektivët e policisë gjetën 1560 euro, 8.000 lekë, një pushkë gjuetie dhe dy biçikleta, të cilat janë përdorur nga autorët për vjedhje.
Sipas hetimeve, shënjestër e shqiptarëve kanë qenë shtëpitë dhe magazinat.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Deri më tani janë zbardhur 24 vjedhje.
Ndaj katër autorëve, të cilët ndodhen në mënyrë të paligjshme në vend, u ngrit një kallëzim penal për vjedhje të rënda dhe shkelje të ligjit për të huajt dhe armëmbajtje pa leje.
