LIGJET E BIZNESIT
Në Tajlandë personave që akuzohen për abuzim seksual do tu ofrohet tredhje kimike.
Sipas mediave të huaja, kjo do të aplikohet në mënyrë që të reduktohet përsëritja e të akuzuarve që të abuzojnë sërish seksualisht.
Mësohet se kriminelëve që konsiderohen të prirur të kryejnë më shumë sulme seksuale pas lirimit të tyre nga burgu do t’u jepet opsioni i injeksionit, në këmbim që tu ulet dënimi.
Procedura do të kërkojë miratimin e dy mjekëve dhe shkelësit do të monitorohen për 10 vjet dhe do të detyrohen të mbajnë byzylykë elektronikë.
Projektligji, të cilin dhoma e ulët e miratoi në mars, u miratua ditën e djeshme nga 145 senatorë, me dy abstenime, por kërkon ende një tjetër votë, pastaj miratim mbretëror.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Sipas shifrave të departamentit të korrigjimeve, nga 16,413 shkelës seksualë të dënuar të liruar nga burgjet e Tajlandës midis 2013 dhe 2020, ishin 4,848 që kanë kryer sërish veprën penale.
Kastrimi kimik ose tredhje kimike – përdorimi i drogave për të reduktuar epshin ose aktivitetin seksual, është i ligjshëm në vende duke përfshirë Korenë e Jugut, Poloninë, Republikën Çeke dhe disa shtete të SHBA-së.
