Masakroi nënën, fieraku: Kisha pirë gjithë natën

Një ngjarje e rëndë tronditi Patosin këtë të martë, ku një 30-vjeçar plagosi rëndë me thikë nënën.

Konfltikti brenda familjes ndodhi në fshatin Dukas rreth orës 09:00. 30-vjeçari Klaudio Çobaj e sulmoi nënën e tij pas një konflikti që pati me këtë të fundit. Ai e qëlloi disa herë në trup me thikë duke i shkaktuar plagë të shumta.

50-vjeçarja u dërgua me urgjencë drejt spitalit, ku ndodhet në gjendje të rëndë për jetën, ndërsa i riu u arrestua nga policia.

Arrest me burg ka dhënë trupi gjykues për 31-vjeçarin Klodian Çobaj, autori i plagosjes me thikë të nënës së tij Donika Çobaj.

Nga burime informacioni mësohet se Çobaj ka pohuar gjatë zhvillimit të seancës gjyqësore se ai ka qënë jashtë gjatë orëve të natës dhe kishte konsumuar alkool, ndaj kur ka kryer krimin ka qenë nën efektin e alkoolit.

Ata kishin debatuar kur ai është kthyer në mëngjes rreth orës 8, pasi mamaja i kish thënë se s’kishte punë që të rrinte natën jashtë e të pinte. Në debat e sipër, zënkë me fjalë, më pas ai ka marrë thikën dhe e ka qëlluar në trup, fyt e qafë.
Ndërkohë pas ngjarjes fqinjët tregojnë se Klaudio Çobaj kishte pak kohë që ishte kthyer nga Gjermania dhe nuk ishte problematik.