LIGJET E BIZNESIT
Rastet e reja të të prekurve me COVID19 në Shqipëri u shtuan në mënyrë të befasishme.
Sipas autoriteteve shëndetësore situata më pesimiste do të jetë në vjeshtë.
“Ashtu sikurse është alertuar edhe nga Organizata Botërore e Shëndetësisë, vjeshta mund të vijë me një valë të re të covid19 dhe varianteve të reja të Omicron. Ndaj ne duhet të bëhemi gati që t’i përballojmë të gjitha ato emergjenca që mund të vijnë në të ardhmen, duke qenë të përgatitur dhe duke ndërtuar kapacitetet dhe duke i fuqizuar ato”.
Spitali Infektiv në Qendrën Spitalore “Nënë Tereza” në Tiranë nga ku foli ministrja e Shëndetësisë pritet të përfundojë rikonstruksionin në fund të korrikut dhe brenda gushtit të presë pacientët e parë.
Infektivi do të ketë 118 shtretër.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Për t’iu përgjigjur emergjencave ministrja Manastriliu tha se mund të kthehet në gjysmë terapi intensive.
“Bërja funksional i këtij spitali do të fillojë në muajin gusht, ku edhe do të kemi një hapje të këtij shërbimi të ri. Ashtu sikurse tashmë kjo strukturë është e projektuar, do të kemi më shumë se 60% të dhomave me ajër me presion negativ. Kjo ndihmon shumë përsa i përket trajtimit të sëmundjeve infektive. Reanimacioni rrit kapacitetet duke i dyfishuar ato. Ndërkohë që gati të gjitha dhomat ofrojnë të gjitha panelet e gazrave mjekësore duke e kthyer në një moment të caktuar nëse do të na duhet dhe një spital pra, gjysmë terapie intensive”
Investimi i kryer kap vlerën e 5.6 milion eurove dhe ka të bëjë me rikonstruksionin dhe zgjerimin e kapaciteteve në Spitalin Infektiv.
