Ish-ministri i Mjedisit Lefter Koka është transferuar sot në spitalin e burgut.
Kjo ndodhi për shkak të gjendjes së tij të rënduar shëndetësore.
Mësohet se ai ka probleme kardiake dhe ndodhet në reanimacion.
Kujtojmë se Lefter Koka u arrestua më 14 dhjetor 2021 për aferën 4.9 milionë euro me inceneratorët në Fier dhe Elbasan.
Koka akuzohet për “Shpërdorim të detyrës”, në bashkëpunim, “Korrupsioni pasiv i funksionarëve të lartë shtetërorë ose i të zgjedhurve vendorë” dhe “Pastrimi i produkteve të veprës penale apo i veprimtarisë kriminale”.
