Gjoba të majme, deri në heqje patente/ Policia Rrugore ‘kërcënon’ prindërit e pakujdesshëm

Policia Rrugore apelon të gjithë drejtuesit e mjetit që të kujdesen për sigurinë e fëmijëve gjatë udhëtimi.

Sipas Policisë kushdo që nuk vendos rripat e sigurimit dhe sistemet e fiksimit për fëmijët deri në 12 vjeç do të përballet me gjoba, deri dhe në heqjen e lejës së drejtimit.

“Respektoni rregullat e qarkullimit rrugor dhe kujdesuni për sigurinë dhe shëndetin e vetes dhe fëmijëve tuaj! 

Cilido, që nuk përdor rripat e sigurisë dhe sistemet e fiksimit për pasagjerët deri në 12 vjeç, ndëshkohet me masë administrative, me gjobë 5.000 – 15.000 lekë dhe pezullim të lejes së drejtimit 6-12 muaj”, njofton policia.