LIGJET E BIZNESIT
Një shqiptar është zyrtarisht kandidat për në Kongresin Amerikan. Një histori suksesi fillimisht në biznes e më pas, në politikë. Bëhet fjalë për shqiptaro-amerikanin Emin Eddie Egriu, i cili është është një personalitet i gjithëanshëm dhe me një kontribut të madh për diasporën, duke qenë një ndër zërat më përfaqësues të saj .Gjithashtu, një ndër personalitetet shqiptare më të njohura dhe me më shumë ndikim në Buffalo, Nju Jork të Amerikës.
Kandidati shqiptar për në Kongresin Amerikan përfaqëson historinë e shumë bashkëkombësave të tij. Familja e Egriut, me origjinë nga Dibra e Madhe u vendos në Shtetet e Bashkuara të Amerikës në vitin 1970. Ne tokën e premtuar, Emini do të realizonte ëndrrat e tij, duke ia dalë mbanë në biznes e politikë dhe duke u shndërruar në një ndër personalitet më të shquara të diasporës, me angazhim të përhershëm për kauzën mbarë shqiptare.
Me një biografi të gjerë, shqiptaro-amerikani Emin Eddie Egriu ka qenë këshilltar i Colin Powell, së bashku me Congressman Joe DioGuardi, në negociatat e paqes për krizën në Maqedoni, pas luftës në Kosovë në 2001, në Shtëpinë e Bardh në Uashington DC. Ai ka qenë pjesë e Bordit Ekzekutiv në “Lidhja Qytetare Shqiptaro-Amerikane” (Albanian American Civic League) së bashku me Joe DioGuardi. Egriu ka qenë edhe koordinator për gjeneralin Wesley Clark në zgjedhjet presedenciale të vitit 2004.
Ai është themelues dhe drejtues i kompanisë së ndërtimeve “Egriu”. Është themelues dhe ish-drejtor në PUSH USA – Programi Unik Shqiptar në ShBA dhe gjithashtu, ka qenë konsultat i organizatës “Albanian Roots”. Një histori suksesi që pason vite të tëra pune dhe sakrificash, por mbi të gjitha një model për t”u ndjekur dhe për të frymëzuar të tjerë shqiptarë për të na bërë krenarë!
