Një aksident ka ndodhur mesnatën e kaluar në rrugën interurbane kryesore Tiranë- Durrës pranë QTU. Dy mjete janë përplasur me njëra tjetrën në rrugën dytësore dhe kanë mbetur të plagosur katër persona. Bëhet fjalë për shoferët e të dyja mjeteve dhe dy të mitur 12 dhe 14 vjeç.
Sipas burimeve nga spitali, njëri prej të miturve ndodhet në gjendje të rëndë.
Policia ka kryer veprimet hetimore në vendin e ngjarjes dhe po punon për zbardhjen e plotë të rrethanave.
“Më datë 02.07.2022, rreth orës 23:50, në autostradën Tiranë-Durrës, janë përplasur mjeti me drejtues shtetasin E. Ç., me mjetin me drejtues shtetasin A. F.
Si pasojë janë dëmtuar drejtuesi i mjetit shtetasi E. Ç., dhe dy pasagjerët e mjetit tjetër, 12 dhe 14 vjeç, të cilët ndodhen në spital, nën kujdesin e mjekëve.
Grupi hetimor po punon për sqarimin e rrethanave të aksidentit”, njoftoi policia.
