LIGJET E BIZNESIT
Franko Mançellari, i riu i cili u aksidentua me motoçikletë para dy ditësh në Gjirokastër, kishte nevojë për gjak. 22-vjeçari është i shtruar në spitalin e Traumës nën kujdesin e mjekëve pas ndërhyrjeve kirurgjikale.
Efektivët e Policisë Rrugore të kryeqytetit u solidarizuan me të riun duke u paraqitur masditën e sotme pranë ambienteve të spitalit të Traumës në Tiranë. Ata kanë dhuruar gjak për Franklin, si dhe u bënë thirrje të gjithë qytetarëve që të respektojnë rregullat e qarkullimit rrugor, në parandalimin e aksidenteve që rrezikojnë jetën dhe shëndetin e tyre.
Njoftimi i plotë:
Si reagim solidar ndaj një apeli për të dhuruar gjak, të shpërndarë në rrjetet sociale, nga familjarët të riut Franko Mancellari, 22 vjeç, i cili u aksidentua me motoçikletë, më datë 29.07.2022, në Gjirokastër, një grup i punonjësve të Komisariatit të Policisë Rrugore Tiranë janë organizuar me iniciativën e tyre, dhe kanë shkuar gjatë mesditës së sotme, në Spitalin e Traumës, Tiranë, për të dhuruar gjak.
Iniciativa sensibilizuese e punonjësve të Komisariatit të Policisë Rrugore synon të përcjellë mesazhin se mbërritja i sigurtë në destinacion duhet të jetë prioriteti i çdo udhëtimi që bëni. Punonjësit e Policisë Rrugore gjenden pranë qytetarëve, jo vetëm për të ndëshkuar, në rastet e moszbatimit të rregullave të qarkullimit, por edhe për të ofruar gatishmëri dhe solidaritet në ato raste kur ngjarjet rrugore kanë rrezikuar jetën dhe shëndetin e tyre.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Përmes këtij akti human, Policia Rrugore fton sërish të gjithë qytetarët që të respektojnë rregullat e qarkullimit rrugor, me qëllimin e vetëm, parandalimin e aksidenteve që rrezikojnë jetën dhe shëndetin e tyre.
Së bashku për të mbrojtur jetën!
