Ukraina fituese por në luftë, ja ku mund të mbahet Eurovisioni vitin tjetër

Organizatorët e Eurovisioni-it arritën në përfundimin se Ukraina nuk është në gjendje të organizojë festivalin, një vendim që ka zemëruar qeverinë ukrainase.

Ukraina fitoi këtë vit me këngën “Stefania” të Kalush Orchestra. Sipas traditës, shtetit fitues i ofrohet mundësia të organizojë festivalin e vitit të ardhshëm. Por Unioni Europian i Transmetuesve (EBU), i cili organizon Eurovision, tha se kishte arritur “me keqardhje të thellë” në përfundimin se nuk do të ishte e mundur të jepeshin garancitë e sigurisë dhe operacionale të kërkuara për të mbajtur konkursin në Ukrainë.

EBU i kërkuar BBC-së të organizojë festivalin e vitit të ardhshëm, pasi Mbretëria e Bashkuar u rendit në vendin e dytë me “Space Man” të Sam Ryder.

Guardian raporton se qeveria ukrainase është e pakënaqur me vendimin sepse nënkupton humbjen e një mundësie të madhe për të përqendruar vëmendjen e botës në Ukrainë.

Këtë javë ministri i Kulturës në Ukrainë, Oleksandr Tkachenko, njoftoi se ai u kishte dërguar organizatorëve të Eurovizionit një sërë vendesh të mundshme në Ukrainë. Ai tha se kishte punuar me shërbimet e sigurisë së vendit dhe kryeministrin për të ofruar një plan për organizimin dhe ishte “i sigurt” se Eurovizioni do të zhvillohej në Ukrainë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Revista Anabel