LIGJET E BIZNESIT
Ish-kryebashkiaku i Vorës Agim Kajmaku dhe nipi i tij kanë heshtur para drejtësisë italiane.
Ata u arrestuan në San Benedetto del Tronto pasi u kapën me 20 kilogramë kokainë të fshehur brenda vazove në një fidanishte në qytezën Grotamare.
“Presim arsyet”, ka deklaruar avokati, ndërsa Kajmaku nuk ka thënë asnjë fjalë.
Nisur nga sasia e kokainës së sekuestruar, gjyqtari ka lënë burg Kajmakun dhe nipin e tij 33-vjeçar. “Për masën e sigurisë gjyqtari zgjodhi atë më të rëndën, burgun, duke pasur parasysh ashpërsinë dhe sasinë e drogës së sekuestruar. Jemi në pritje të arsyeve e të vlerësimeve”, ka thënë avokati.
Sipas informacioneve Kajmaku bashkë me nipin përdornin një Volksëagen Polo nga një kompani vendase për të udhëtuar, ndërsa kishin bërë një inspektim në fidanishte për dy ditë rresht dhe kishin zgjedhur një numër bimësh të vogla të cilave kërkonin t’u ndryshonin vazon duke vendosur më të mëdha. Një punonjëse e fidanishtes kishte vënë re edhe shenja të lëna në sipërfaqen e dheut.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Kur kjo iu komunikua karabinierëve, nga vazot u shfaqën qese të mbushura me kokainë, por nuk dihet se me çfarë mjetesh do t’i kishin transportuar bimët. Furgoni është vënë re nga hetuesit jo shumë larg fidanishtes ku u zhvillua operacioni antidrogë.
