Stilisti shqiptar në telashe/ Prokuroria nis hetimet ndaj tij, ja cila është arsyeja

Stilisti shqiptar Valdrin Sahiti rezultoi se është pajisur me pasaportë diplomatike që prej vitit 2020.

Presidenca e Kosovës deklaroi se Vjosa Osmani nuk i ka lëshuar pasaportë diplomatike askujt.

Ndërkohë këshilltari për media i presidentes Bekim Kupina, deklaroi se Osmani nuk e ka këtë kompetencë.

“Presidentja as nuk lëshon e as nuk merr pasaporta diplomatike. Pra, nuk i ka lëshuar pasaportë diplomatike asnjëherë askujt. Për qindra pasaporta të raportuara në media, pyetjet duhet të drejtohen tek Qeveria paraprake, sepse janë lëshuar gjatë qeverisjes së tyre”, kishte thënë Kupina.

Ndërsa, së fundmi avokati, Durim Berisha përmes një postim në Facebook, ka bërë të ditur se ka parashtruar një kërkesë në zyrën e Kryeprokurorit të Shtetit për inicimin e një hetimi mbi mënyrën e pajisjes me pasaportë diplomatike të Sahitit.

Në përgjigjen e zyrës së Prokurorit të Shtetit të Kosovës thuhet se kërkesa i është dërguar Kryeprokurorit të Prokurorisë Themelore në Prishtinë, e cila ka kompetenca për të zhvilluar hetimet e rastit.