Si të shmangni heshtjet e sikletshme: 8 pyetje *shumë* të thjeshta për të filluar biseda me këdo!

Pandemia e Covid, puna nga shtëpia dhe të qenit “mbyllur” për një kohë të gjatë, nënkupton se aftësitë tona sociale mund të jenë ndryshkur pak. Fillimi i një bisede me një të panjohur mund të jetë më sfidues se dikur. Megjithatë, komunikimi dhe njohjet e reja mbeten kritike për t’u zhvilluar në shoqëri apo karrierë.

Për të hequr stresin rreth takimit me njerëz të rinj, ejani të përgatitur me fillimet e fjalive për çdo situatë. Këto janë fjalë dhe fraza fillestare që do të thyejnë akullin dhe do të nisin biseda të këndshme.

Sa (çorape) të lezetshme!

Shihni për detaje të vogla rreth veshjes dhe përmendeni: Një karficë, unazë, çantë apo portofol. Mund të anashkalohet nga të tjerët, por ju tregoni se keni marrë kohë për ta vënë re.

Ku jeton?

Një tjetër opsion është, të pyesni për zonën e shtëpisë, banesën. Biseda mund të ndiqet duke treguar se ç’dini ju për atë zonë apo duke pyetur ku ndodhet ekzaktësisht etj.

iPhone i ri është ky?

Kush nuk dëshiron të tregojë teknologjitë e reja? Ndoshta ata mund t’ju tregojnë edhe veçori për të cilat mund të mos keni qenë në dijeni më parë.

Ku e keni marrë atë…?

Nëse dikush ka veshur diçka të guximshme, ai dëshiron të vihet re dhe ju jeni gjithmonë të mirëpritur të tregoni se po i kushtoni vëmendje.

A ju është dashur të udhëtoni larg për të arritur këtu?

Mund ta ndiqni duke pyetur nëse ka fluturime direkte, sa kohë është fluturimi, cilat linja ajrore i shërbejnë qytetit të tyre dhe sa i zënë është aeroporti. Të gjithë kanë një aeroport të preferuar dhe më pak të pëlqyer, kështu që kjo bisedë ka mund të marrë disa drejtime.

A po “të kap” valë wifi? A ke internet?

Brezi i internetit, sigurisht që do e bëjë një pyetje në lidhje me të!

Sapo kam ardhur këtu. Çfarë duhet të di që askush nuk ma thotë?

Njerëzve u pëlqen të marrin njerëz të rinj dhe t’u mësojnë atyre rrugicat e fshehura, rregullat e pashkruara dhe traditat e një grupi.

Cila është një gjë që nuk duhet ta humbas, sa jam këtu?

Nëse jeni i ri në një qytet për shembull, kërkoni këshilla për destinacionet turistike, restorantet ose vende të tjera që nuk duhet t’i humbisni.

Çelësi është të diskutoni të përbashkëtat dhe ta bëni personin të flasë për veten e tij. Mundohuni të lidheni me diçka tjetër përveç punës dhe krijoni një lidhje njerëzore. Këto biseda do të ndodhin më vonë pasi personi t’ju njohë, të pëlqejë dhe t’ju besojë. Lidhja në nivel personal është thelbësore për zhvillimin e një marrëdhënieje të qëndrueshme profesionale dhe jo vetëm.anabel