Shpërthim i fortë! 10 vik tima dhe qindra të plagosur nga rrjedhja e gazit toksik

Dhjetë persona janë vrarë dhe më shumë se 251 të tjerë janë plagosur nga një rrjedhje gazi toksik në portin Akaba të Jordanisë në Detin e Kuq. Një kontejner magazinimi i kimikateve ra gjatë transportit si pasojë e një mosfunksionimi të vinçit, tha Drejtoria e Sigurisë Publike (PSD). Pamjet në televizionin shtetëror treguan një cilindër të madh duke u shkëputur nga një vinç në një anije të ankoruar, e cila solli dhe shpërthimin e gazit të verdhë.

Autoritetet ende nuk e kanë identifikuar kimikatin që ishte brenda kontejnerit por ka dyshime se ishte klor. Autoritetet u kërkuan banorëve të qytetit Aqaba, i cili është rreth 16 km (10 milje) në veri, të qëndrojnë brenda dhe të mbyllin dritaret dhe dyert. Plazhi jugor i Akaba, i cili është vetëm 7 km nga porti dhe është i popullarizuar nga turistët, u evakuua si masë paraprake.