LIGJET E BIZNESIT
Kryetari i PD Sali Berisha ka dalë kundër presidentit Ilir Meta pasi ky i fundit dekretoi lirimin nga detyra të Bajram Begajt si shef i Shtabit të Përgjithshëm të Forcave të Armatosura, duke i hapur kështu rrugë kandidimit të tij për President.
Meta ndodhej sot në Stamboll të Turqisë në një vizitë zyrtare, por sipas Berishës një gjë e tillë nuk lejohet pasi kryetari i Shtetit kur ndodhet jashtë vendit është kryetar parlamenti.
“Presidenti humbet fuqinë e dekreteve jashtë territorit të vendit të tij. Jashtë territorit nuk ka dekret. Kur je jashtë vendit, Kryetar Shteti është kryetari i Parlamentit. Ky është rregulli i Evropës. Nuk e imagjinonim që mund të kishte një shkelje të tillë kushtetuese.
Jemi në kushtet e shkeljes flagrante të Kushtetutës. Ndaj kërkova ta bëj këtë deklaratë në Kuvend, por zonja Linda që e ka si me celës Parlamentin, nuk ma dha fjalën. Nuk ka sallë asambleje në botë, përfshirë ajo e OKB, që kur kërkon fjalën për cështje procedure, nuk të jepet fjala, kjo ndodh vetëm në Parlamentin shqiptar, që znj. Lindita e përdor si dyqanin e vet”, tha Berisha.
