‘Red light…greenlight!’ Zyrtarisht, ‘Squid Game’ rikthehet me sezonin 2

Netflix njihet për faktin që nuk i lë kurrë prodhimet e suksesshme pa një sezon të dytë, të tretë e kështu me radhë, ndaj ishte e parashikueshme që fenomeni “Squid Game” do të rikthehej me një sezon të dytë.

“Squid Game” u bë seriali që grumbulloi më shumë shikime në Netflix kur u publikua në shtator. Së fundmi, platforma njoftoi zyrtarisht sezonin e dytë.

Skenaristi dhe regjisori Hwang Dong-hyuk ngacmoi disa detaje rreth sezonit të dytë të shfaqjes në një mesazh të publikuar nga Netflix.

Personazhet Seong Gi-hun dhe Front Man do të kthehen, tha ai, dhe “burri me kostum me ddakji mund të kthehet”, duke iu referuar personazhit misterioz të luajtur nga aktori Gong Yoo.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Do të prezantoheni edhe me të dashurin e Young-hee, Cheol-su”, shtoi ai. Young-hee është roboti në “Red Light, Green Light”.

Netflix nuk tha se kur do të publikohej sezoni i ri, por Hwang më parë ka thënë se ndoshta në vitin 2023 ose 2024.

Revista Anabel