Qindra ngelës dhe vetëm 4 maturantë marrin 10, dalin përgjigjet e provimit të Gjuhës dhe Letërsisë

Janë publikuar ditën e sotme rezultatet e provimit të Gjuhës Shqipe dhe letërsisë për maturantët.

Në njoftimin e dhënë në portalin studentor, bëhet me dije se nga 29 731 maturantë pjesëmarrës në testim, vetëm 4 kanë arritur të marrin notën maksimale, 10.Nga të dhënat rezulton se 383 maturantë kanë marrë notë jo kaluese, ndërkohë që nota mesatare e përgjithshme është 7.45.

“Ky ishte provimi i gjuhës shqipe dhe letërsise, të cilin e kryen në total 29731 maturantë. 383 maturantë kanë marrë notën 4.00, duke ngelur, ndërsa 4 maturantë kanë arritur të marrin notën 10.00, duke rezultuar ekselentë. Kalueshmëria për këtë provim është 98.71% ndërsa nota mesatare është 7.45”, thuhet në njoftim.

Për të parë notën klikoni linkun.