Protesta në Kosovë/ Protestuesit rrëzojnë derën e Kuvendit, agravon situata, çfarë po ndodh?

Shoqatat e dala nga lufta e Ushtrisë Çlirimtare të Kosovës janë përplasur keq me policinë, ndërsa kanë rrëzuar derën kryesore të Kuvendit, duke hyrë kështu në ambientet e oborrit të godinës.

Kjo protestë po organizohet pasi veteranët janë të indinjuar që deputetët, ditën e martë miratuan në parim projektligjin për caktimin e pagës minimale, ligj i cili i mënjanon dukshëm ata.